Champhai Kahrawt Branch Y.M.A. Chanchinbu * Volume XVIII * Issue No 27 * Date. 5. 7. 2009

KHAWTLANG NUN SIAMTHAT

Ramin hma a sawn a, vengin hma a sawna, chutih laiin kan khawtlang nun hian sualna lamah chhiatna hrang hrang a hmachhawn mek a, engtin nge kan inven ang, engtiangin nge hma kan lak ang tih kan ngaihtuah a \ha hle.

1. Ruihhlo : Nu leh pate hian kan fate nungchang kan hriatchian a hun ta hle mai. In lamah naupang chhia anga an awm laiin pawn lamah chuan an hawiher a danglam \hin hle tih hriat a \ha. Kan \hian pakhat chuan hmanni Sikul naupang sport Chhangphut field-a an neihah khan hmeichhe zurui an tam zia thu sawiin chung zingah chuan Kahrawt veng an tam ber a ti nia!! Kahrawt Tlangvalte pawh Drugs ti thar an tam hle tih pawh a sawi bawk. Ruihhlo hi khawtlang hmelma, chhungkaw tlakranna thlentu a ni. Ram leh hnam tlukchhiatna a ni a, ruihhlo ti \hinte hian ngaihtuahna fim tak hmanga kan in ngaihtuah chian a hun ta. Ruihhlo kan tih hian kan nun hian a hlim phah em? Kan ruih lai chuan kan hlim phah mahna!! Mahse, a reilo teh a sin.

2. Sex : Tuna kan dinhmunah chuan kan \halaite zingah sex hian bu a khuar nghet tawh hle a, nula tlangval inngaizawng apiang sex hman tur emaw kan ti tawh niin a lang. Sex hi kan ngaizam em em tawh a, in chibai ang lekin kan ngai tawh emawni, hei hian natna \halo tak tak min thlenin min chiah mek anih hi. Nupui pasal neih ni thlenga nulat tlangval thianghlimna vawnghim hi kan vengah hian mi engzat tak awm ang maw!!

3. Mobile Phone : Mobile phone changkang, manto leh \ha tak tak kan nei a. Kan phone-ah chuan enge awm? Sex lam hawi thil eng eng emaw a awm ruih \hin. Hei hian kan nula tlangvalte nun a tikhawlo thei hle awm e. Hetiang thil kan en hian sex hman chaknate, kan ngaihtuah ngailoh thil tam tak min ngaihtuah tir \hin a, he thil avang hian naupang tak takin nupui pasal kan neih phah nite in a lang. A bik takin kan nula te phei chu sex hman pui turin pawisa nei tan mobile phone hmanga duh duha koh theih (call girl) an awm phah nasa hle bawk. Hei vang hian nu leh pate pawh kan fimkhur lehzual a hun takzet ta.

4. Eirukna : Mizote zingah mahni hlawh phu lova neih duhna thinlung kan nei ta hi kan hnam rinawmlohna pakhat a ni awm e. Eirukna hi kan \awngkam chauh hian kan do em ni? Eirute hi kan intlawnsiak a, an eiruk hausakna chu tlan ve tumin kan hmanhlel \hin. An hmelhriat nih kan chak a, hetianga kan kal chhung hi chuan kan ramah hian eirukna hi a bo a rinawm loh. Sawrkar lam pawh hian eirute hi dim hauh lovin hrem \hin se hetiang ang em hian eirukna hian kan ram a tuam lo tur.

5. Rukruk : |henawmte ei ang ei tur chuan kan thawhrim a ngai a, an neih ang nei tur chuan thlantui far chunga kan thawh a ngai a, chutianga thawh tum si lova mihausate ei ang ei a, an in ang kan in duh ve si chuan hna kan thawh a ngai. Chumi kan tih peih si loh chuan mi vanduai ber kan ni awm mange ka ti \hin. Thenawm ten thil hlu leh thil manto tak tak an nei tih kan hriat rual rualin neih ve chakna kan nei a, chumi nei tur chuan rim taka hna kan thawh a lo ngai si a. Chumi thawkchhuak tur chuan tha kan thawh peih leh si loh avangin ruk ruk bawk chu kan bul \anna a lo ni leh \hin. Tin, ruihtheihthil timi te tan ngat phei chuan mi thilruka ruih hi zah nachang kan hriat a hun ta hle mai.

--------------------------------------------------------------------------------------------------

Hnatlang
Ni 30.6.2009 (Thawhleh) Remna ni zingkar khan Beautification a kan thing phun tawh kung 95 chu thlo fai leh a thar kung 100 vel phun belh in hnatlang neih a ni a. Member thawk chhuak an \ha hle. Hnatlang kal nan hian Pu R. Laldika, Pu B. Remmawia, Pi Pangkhumi, Pu Hmingthanzama, Pu Thanghuliana, Pu PC. Biakmawia, Tv Lalchungnunga, Pu K. Lalramhluna leh Tv KVL Hmangaihzuala ten an Motor an rawn thawhchhuah puia, an chungah Branch chuan lawmthu a sawi a ni.

--------------------------------------------------------------------------------------------------

Hnatlang
Ni 30.6.2009 (Thawhleh) Remna ni zingkar khan Beautification a kan thing phun tawh kung 95 chu thlo fai leh a thar kung 100 vel phun belh in hnatlang neih a ni a. Member thawk chhuak an \ha hle. Hnatlang kal nan hian Pu R. Laldika, Pu B. Remmawia, Pi Pangkhumi, Pu Hmingthanzama, Pu Thanghuliana, Pu PC. Biakmawia, Tv Lalchungnunga, Pu K. Lalramhluna leh Tv KVL Hmangaihzuala ten an Motor an rawn thawhchhuah puia, an chungah Branch chuan lawmthu a sawi a ni.

--------------------------------------------------------------------------------------------------

Sporting Club
Kahrawt veng huam chhunga Football lama tui mite tan Player Registration tih thar a hun leh tak avangin in register duh tur te chuan Rs 10/- leh Passport size pakhat nen tunkar chhungin Tv Andrew Lalbiakzuala leh Tv B. Lalrinfela hnenah in report vek tur a ni ang.

--------------------------------------------------------------------------------------------------

Sporting Club
Kahrawt veng huam chhunga Football lama tui mite tan Player Registration tih thar a hun leh tak avangin in register duh tur te chuan Rs 10/- leh Passport size pakhat nen tunkar chhungin Tv Andrew Lalbiakzuala leh Tv B. Lalrinfela hnenah in report vek tur a ni ang.

--------------------------------------------------------------------------------------------------

Minister hmu
Zirtawp zingkar khan Pu JH Ro\huama, Minister Revenue & Settlement chu Kahrawt Field chungchangah Branch OB ten an hmu a, kan mamawhna kan sawite hma min lak sak a tum avangin a chungah Branch OB te an lawm hle.

--------------------------------------------------------------------------------------------------

Thawh theih
Kahrawtians a chhuah turin mahni ngaih dan leh vei zawngte, thu chi hrang hrang ziak duhte tan inthlahrung lova thawh zel turin kan in ngen a. Chanchinbu hi a la tute leh thu chhuah tur ziak thinte avangin a hlawhtling a ni tih kan hriat pawh a tha awm e.

--------------------------------------------------------------------------------------------------

Mawhphurhna

Mihringte hi mahni inchhungah emaw pawn lamah emaw mawhphurhna nei lo kan awm lovang. Kan thiam zawng leh thih theih zawng a in chen loh avangin kan mawhphurhna pawh a in chen lo \heuh ang. Mahni mawhphurhna leh kan kova in nghat \heuhte hlen chhuah hi mihringte rinawmna a ni.
Pawl ho ah pawh engemaw a mawh phurtu bik awm a ni \hin a, chungte chu \ha taka hlen chhuah a nihin pawl hi a kaltluangin a hmalakna a hlawhtling \hin. Pawl tana in hmanna hian chu kan mawhphurhna \heuh hlen chu a ze pawimawh tak a ni. Mahni ko a in nghat, thil tih tur hlen peih ngai lo leh ngaihsak hauh lote hi pawl tana \angkai ni a sawi a har khawp mai. Tin chutiang mite chu pawl pawhin a \huanawp pui bawk \hin.
Pawl hoah hian mawh thuhmun phurh tlan theihna chu Committee ah hian a ni a. Nihna pakhat a in bawk khawm vek theih loh avangin mawh phurhna chin pawh a in ang lo \hin. Hruaitu, Committee Member, Member pangngai, a eng pawh hi lo ni ila, kan telna tur chi ah chuan kan tela ke kan pen chhuah ve ngei hi kan mawhphurhna a ni.
Mawhphurhna hlen hi YMA ze pawimawh tak, rinawmawna phawk chhuaktu a nih avangin \hiante tih atana khek mai lovin mahni ngeiin i hlen fo ang u. Chu chu pawl hmasawnna tur bul leh \hatna tur a ni ngai e.

-----------------------------------------------------------------------------------------------

Lu mehna dawr
Kan veng chhungah lu mehna dawr hawn thar a ni a, a mamawh te chuan MUP in LPG Office bulah pan mai tur a ni.Mawi takin ka lo meh sak ang che u.

Lalmuanzuala
Chawngbawla Section

--------------------------------------------------------------------------------------------------

Hnatlang pha
YMA Day a hnatlangpui koh a hman ve ta lo Pu K. Lalchhunga te hnen a\angin Rs 100 kan dawng.

--------------------------------------------------------------------------------------------------

B Sc. Pass thar
Rosangpuii D/o C. Kamliani Chawngbawla Section chuan B Sc (Mathematics) chu II Division ah Zirtiri Residential Science Collage a\angin a pass a, kan chhuangin kan lawmpui hle.

--------------------------------------------------------------------------------------------------

MHIP Day
Naktuk hi MHIP Day a ni a, Kahrawt Branch MHIP te chuan phai lo \ul lai a nih avangin a hranpa a hun hmang lovin vengchhunga mi harsa mi panga hnenah \anpuina pawsa pe in leh Champhai District Hospital Poor Fund ah Rs 1000/- an pe dawn a ni. MHIP Day hi Sawrkar chuan Holiday ah a puan avangin zirna in leh office te khar a ni ang.

--------------------------------------------------------------------------------------------------

Tlangau hlawh
V/C Tlangau hlawh Kum chanve atan Rs 6400 chu kan dawng fel ta a. Kan V/C ten a hranpa a khawn ngai lovin NREGS a\angin an cut nghal a ni. Hetianga khawn buai ngai lova an tih fel mai avang hian kan V/C te an fakawm hle a ni. Job-Card nei lo chhungkua mi tlem a zawng chu khawn leh a ngai dawn niin a lang.

--------------------------------------------------------------------------------------------------

## Kan Branch YMA Executive Committee ah hian mi 40 chuang an awm niin ka hria a, amaherawhchu hnatlang leh activities ah hian an \ha lo thei hle mai a, kan hma hruaitu turte an nih avangin \an han la thar teh u. Nge ni hma la peih lo hi mawhphurhna an pe zawk em ni. - Member rinawma

## DLAO office kawta Tuitling pur reng mai hi a in hmeh lo hle mai a, a heltute tana chetsual hlauhawm bawk si. Thu neitu ten han siam \ha vat teh u khai.
- No thup
## Kan veng chhunga boral an awm chang hian lirthei neitu ten an rawn thawh chhuak \hin a, hei hi chhiat tawk chhungte leh midang ka a\ang pawhin lawmthu sawina an dawng ngai lo hle a. Hetianga mi inphal leh tlawmngaite avang hian kan veng hi a mawi \hin si a. He ngaihdan huang kal tlang hian lawmthu ka hrilh a che u.
- 9862967917

--------------------------------------------------------------------------------------------------

## Fakzual, paihte nula avangin sir ah min hnawl mai maw, a va han na tak em..... -Thirchhe zuari(Vt)

--------------------------------------------------------------------------------------------------

I hriat zawng zawng sawi vek lo la, i tih theih zawng zawng ti vek bawk hek suh

--------------------------------------------------------------------------------------------------

Blog :
www.kahrawtians.blogspot. com

Champhai Kahrawt Branch Y.M.A. Chanchinbu * Volume XVIII * Issue No 26 * Date. 28. 6. 2009

Pa chin leh enkawl dan

Pa hi chaw \ha tak a ni a, sa ei theilo-te tan sa tluk a ngaih theih khawp a hang leh \ha a ni. Pa hian chaw\ha a pai hnem hle. Heng avangte hian pa chu thisen sang, zunthlum leh lungna neite tan chaw \ha a ni a, thau a pai ve loh avangin inti cher duh tan pawh ngaih ngam taka ei theih a ni.
Pa chin nan hian Degree 26-28 Celcius a lum leh hnawnna (Humidity) 80-90% a mamawh a, kan ram boruak nen a in hmeh hle a ni. Nipui laia chin hian a mamawh tawk boruak a awm \hin avang hian an \hang duang bik \hin a ni. Pa chin nan hian hmanraw mawlte hman a niin a thar rang hle a, kan rama eizawnna atan thlan na-awm tak a ni. Pa chin dan hi uluk taka tih ngai a ni.

PA CHIN DAN
A hmanruate:
(i) Room fai tak leh tui tlin theih lohna (ii) Pa chi (Spawn) (iii) Buh pawl ro \ha tak, a hnah tel lo leh kumkhat aia upa lo (iv) Polythene bag & Polythene hrui (v) Chhuar, thing/mau a siam (vi) Dettol/Formal dehyde

A Buatsaih dan:
(i) Buhpawl, Inches 3-4 a sei chansawmsa chu natna hrik laka a fihlim theih nan tuiso-ah darkar chanve chhum ang che. (ii) Buhpawl chu dah daih hnuah Tawp/Bucket hmangin fu taka sawr tur a ni (iii) I chetna hmun leh i kutte Dettol/Formal Dehyde in inhru fai vek ang che. (iv) Buhpawl dahna tur Polythene chu Dettol in hru fai la, buhpawl i dah hnuah pa chi hmet \il la, Pa chi hi hmeh sawm loh tur a ni, buhpawl i dah belh hnuah Pa chi phul leh la, chutiang zelin polythene chanve vel i thun hunah, a chhunga boruak nem chhuak la, tawn phui ang che, Polythene mawngah hian tereuhte in rekpawp la, tuitling tur a ven bakah boruak tlem a lut dawn nia. (v) Chhuar faiah Polythene chu insi lovin rem tlar la, hei hi Spawn running period a ni. (vi) Chhuar awmna hi hmun up tak a nih angaia a, Ni eng a lut tur a ni lo. (vii) Ni 2/3 danah enla, chhia a awm chuan hla takah paih tur a ni. (viii) Chhuar awmna pindan luh dawnin fai taka luh tur a ni a, midang luh tir loh tur a ni. (ix) Kar hnih (ni 14) hnuah Polythene phelh la, Polythene a kawkalh a hrenin khai tur a ni. (x) Pa chi chu i khai atanga ni hnihna ah tui a phuh \het \het tur a ni. (xi) Boruak tha a luh theih nan hawng thawveng tawh la, a mamawh tawk boruak a dawn loh chuan Pa parh hi ate a, a kuang a lian thin. (xii) Ni 4-6 ah pa chu pawh theih a niin sik chhum lovin kut fai takin a zung nena pawh tur a ni. (xiii) Ni 7-10 hnu zelah tum 2/3 a \o nawn tawh dawn a, hnawng tawk turin tui a phuh zel tur (xiv) Pa chin na buhpawl hi khur laiin phum la, lei \ha a ni nghal ang. (xv) Pa khawina hmun / Pindan chu Formal dehyde Solution leh rannnung venna-in kap la karhnih hnuah pa chin nan i hmang leh thei dawn a ni.

--------------------------------------------------------------------------------------------------

Branch ai awh
Dt. 22.6.2009 (Thawhtan) khan Champhai Beautification Committee DFO Office a neih ah kan Branch aiawhin Pu C. Chawngthansanga, Fin.Secretary chu a kal a. Zirtawp ni khan Public Distribution System (PDS) chungchangah Training Bethel Hall ah neih a ni a, hetah hian Pu/Tv C. Lalrawngbawla, Branch Executive Committee chu a kal bawk a ni.

--------------------------------------------------------------------------------------------------

Zanah phal lo
Rohmingthanga Children Recreation Centre a Naupang in fiam thin ten Ni tlak hnu zan lam hunah reng reng tumah awm phal a ni lo. Thuawi lo man an awm chuan an chungah action lak a ni ang.

--------------------------------------------------------------------------------------------------

Hnatlang dawn
Ni 30.6.2009 (Thawhleh) Remna ni zingkar ah hian Beautification a kan thing phun te thlo fai leh a thar kung 100 vel phun belh tur a ni a. Heng thawk hian Branch hnatlang neih tur a ni a, Member hnatlang tur te chu Hall kawtah Dar 6:00 AM ah kim vek tur a ni. Kan thing phunna tur hi Vawmkaia in peng leh Ramhrang kawn in kar a ni ang.

--------------------------------------------------------------------------------------------------

Pass thar
Heng a hnuaia kan tarlan te hian Mizoram University hnuaia B Sc. Result chhuakah khan kan veng a\angin an pass a, kan chhuangin kan lawmpui tak zet a ni.
1. Lalchhingpuii I (Chem)
D/o C. Vanlaldinga T. Sec
(MZU ah palina a ni)
2. Laltlansangi II (Chem)
D/o C. Vanlaldinga T.Sec
3. Lalrinmawii II (Botany)
D/o Chalhliri T.Sec

--------------------------------------------------------------------------------------------------

Total Prohibition

Tunlai hian Mizoram pumah Total Prohibition chu kan thusawina a piangah a ri a ni deuh ber mai a, he kan Act neih hi a hlih duh pawl leh hlih duh lo kan awm niin a lang. Kan zoram dinhmun thlir hi chuan hlip rih lo hian her rem ngaite her remin tih ni zawk se kan ram chuan kan \hatpui zawk a rinawm a ni.
Tunah hi chuan a rui hremna a nep lutuk a, Zu no khat leh Lire sawm neitute hremna in ang te hi a fuh tawk lo niin a lang. Dan kengkawhtute pawh hian he kan Act hi a famkim lo chung chung hian an kengkawh \ha tawk lo niin a lang. Tun aia nasa hian kenkawh nise, hlawh chham kan tih fo \awngkam pawh hi a bo zawkin a rinawm.
Kan nunin a chhiatpui em em Drugs chungchanga hremna nep lutuk te hi ngaihtuah tel ngai tak a ni. Tun thleng pawh a Drug Control Act kan la nei lova Assam Drugs Control Act kan hmangte pawh hi thil zahthlak tak a ni. Drugs zawrh hi Zu zawrh ai pawn a hlauhawm loh zawk amaw ni chu a tih theih hial a ni.
Mizorama pawl lian ber YMA pawhin a do rem lo tih chu kan hria, mahse kan Ruihhlo do chhunga kan khawtlang a nawm phah zia te kha theih nghilh phal chi a ni lova. Do remlo mah ila a zalen tur kan khuah khirh kha thil \ha tak pawh a ni awm e. Tin, Total Prohibition Act \hiah duh a Zu zawrh phalna pek duhtute hian, a hlawkna kan tel tur awm silovin kan in bulah rawn zuar se kan duh angem tih pawh hi ngaihtuah ngai tak a ni.

--------------------------------------------------------------------------------------------------

Thawh theih
Ngaihdan huanga tarlan turin ngaih dan han thawh zel theih a ni a, Mb No tarlan duh lo tan pawh hming lem hmangin tih theih a ni e. Tin CHRB huang atan pawh thlalak leh a thu pawh thawh theih reng a ni. Thawhduh tan Zirtawp hmain theh luh thin tur a ni.

--------------------------------------------------------------------------------------------------

Lawmpui
Kan Branch YMA Member KL. Lalnunsanga chuan Dt. 25.6.2009 khan Kohhran danthianghlimin Nupui a nei a, an dam chhung zawnga nupa hlim tak ni tur leh fanau malsawmna changa hun hmang turin kan duh sakna kan hlan a, Branch hminga Present pek a ni.

--------------------------------------------------------------------------------------------------

Chhungtinte ngenna
Zirtawp zan khan Khawtlang nunsiam that Sub- Committee chuan Meeting an nei a, hetah hian chhungtinte ngenna an siam chungchang an rel a, chhungtinte he an ngenna siam hi \hahnem ngai taka chhiar chhuak vek turin an ngen.

--------------------------------------------------------------------------------------------------

Hnatlang pha
YMA Day a hnatlangpui koh a hman ve ta lo heng mite hnen atang hian phatna kan dawng.
Pu Vanlalhuma K. Sec Rs 200/-
Pu Lalchamliana V.Sec Rs 100/-
Pu Lalruatsanga V.Sec Rs 100/-
Nl Liansangpuii K.Sec Rs 50/-

--------------------------------------------------------------------------------------------------

Pem lehkha
T. Lalbiakngura te chhung Member pathum, T. Lalruatpuia-te chhungkua Member pathum, Daisy Laldingliani te chhungkua Member pasarih te chu N. Khawbung a\angin pemlehkha fel tak dawn a ni a. Pu Lalrinsiama te chhung Member pali chu Khuangleng atangin pemlehkha fel taka dawn a ni bawk.

--------------------------------------------------------------------------------------------------

## Rohmingthanga Children Recreation Centre a Pipu hi Nula puitling tak takin an uai ta fo mai a, Naupang tan tih a nih hmel a, a kum hi bithliah fel tak neiin mumal taka hmalak a nise, Welfare Committee hian ngaihtuahna han seng teh u. Chuti lo zawng a chhia tih a ni ta fo mai. - Lalveia

## NREGS pawisa hi Monitoring Committee Chairman Seal leh Signature tel lo chuan a lak theih loh niin ka hria a, he Committee hi kan vengah a din ka hre bawk silo. Kan VC te hian Monitoring Committee mawhphurhna hi an la nghal vek em ni ? Vengdangah chuan Monitoring Committee hruaitu tur hi an thlang niten ka hria a, kan veng hi engati bik nge kan din ve loh ni ang le.
- Kahrawt veia

## Kawng kama raw neitute hian suat \hen phal ila, Electrict hrui a hnaih bakah a thlang ami te tan hian a hnawk bakah a hlauhawm duh riau mai si a. - Lalninga


--------------------------------------------------------------------------------------------------

## Kan veng chhunga Upa fate hi an zia a in ang lo hlawm hle mai. BMA, Mavala, Manunga, KL.Zaia, Mahluna, Thaua, Zamtea, dawn ti sei ............

## Khawvelah chuan Electric Power Hose ri thawm khu mawi ka ti ta ber mai ka bengah chuan U Rawngbawl...
- Sawma (K. Sec)

## Nauten Nupui an nei zo ta bawk a, inhnuaiah Belte Pathum nen ka indang ve ta tawp mai.... Mahming, khawnge i in dan ve leh dawn...
- KL. Zaia (Ch. Sec)

--------------------------------------------------------------------------------------------------

Zuk leh hmuam Ruihhlo te hi nghei lovin i sim ang u
---------------------------------------------------------------------------------------------------

Blog :
www.kahrawtians.blogspot. com

Champhai Kahrawt Branch Y.M.A. Chanchinbu * Volume XVIII * Issue No 20 * Date. 17. 5. 2009

Members Meeting neih a ni
Dt.14.5.2009 zan khan Kahrawt Branch YMA members meeting vawithumna neih a ni a. Dt.30.4.2009 leh Dt.1.5.2009 zana kallo te tana buatsaih leh a ni a. Hemi zanah hian member kal an \hahnemin zan dang zawng aiin kal an \ha hle. Meeting hi Pu R.Laldika, Branch President chuan kaihruaiin Nl. C.Lalnuntluangi’n \anna hun a hmang a. Thusawina hun hi Pu Lalrinthanga, Chairman Khawtlang Nun Siamthat Sub-Committee, Pu K.Hmingthanchhunga, Member Khawtlang Nun Siamthat Sub-Committee leh Pu Thanghuliana Vice President, Branch YMA ten thusawina an nei a ni. Thusawitu hrang hrang ten YMA in thupui atana a thlan ‘Khawtlang nun Siamthat’ leh ‘Zonun zemawi inzirtir’ chungchanga thil pawimawh tak tak in zirtirna leh in fuihtharna neih a ni a. Pu H.Lalrinthanga chuan khawtlang nun tibuaitu ruihhlo \hat loh zia thu te, ruihhlo in kan nun a tihbuai theih dan te, khawtlang nun leh ram a tihchhiat dante a sawi a. Pu K.Hmingthanchhunga chuan khawtlang nun siam\hat nan khua leh tui \ha kan nih theih dan kawng hrang hrang te, sawrkar leh vantlang thil humhalh a \ul thute, faina leh thianghlimna kawnga \an lak a ngaih thute, sawrkar dan kan zawm a \ul thute leh aia upa zah thiam a \ul thute a sawi a ni. Thusawi hnuhnungber Pu Thanghuliana chuan kan Mizo nun zemawi tlawmngaihna kan lanchhuah tirna \hin pawimawh ber pakhat chhiatni a YMA member ten kan chetlakna kawng hrang hrangah \an lak thar kan ngaihzia thu a sawi bawk a ni.

-------------------------------------------------------------------------------------------------

In report tur a niHeng a hnuaia Job Card No. kan tarlan neitute hi vawiin (Sunday) tlai Dar 3:00 atangin VCP inah in report tur a ni a, in report lo te Job-Card chu paih (Delete) a nih pawhin V/C ten mawh an phur lovang. A hnuaia No. tarlante hi inreport turte an ni :

-------------------------------------------------------------------------------------------------

Cultural ClubVawiin tlai hian Kahrawt Cultural Club Membership fee khawnin OB te an kal kual dawn a. Member ni thar duh tan Rs 10/- pe in a nih theih a, ani sa tan Annual fee Rs 5/- pein a nih leh theih a ni. Member ni duh turte chuan lo ngaih ven tur a ni ang.

-------------------------------------------------------------------------------------------------

Thawh theihKan Chanchinbu ah hian ngaihdan huang siam a ni a, hetah hian ngaih dan i neihte rawn thawh \hin turin kan in ngen a. Ziak leh SMS in thawh theih reng a ni. I Phone No tarlan i hreh a nih pawhin tarlan loh theih a ni a. Kan veng \hatna tur atana rawtna engpawh a leng vek a, mimal emaw pawl emaw insawi chhiatna lam erawh ni lo hram se.

------------------------------------------------------------------------------------------------

Khuangchera SectionNimin khan Sam Hena in sum tuak a ni a, Member thawk chhuak an tha hnem hle. Tlawmngaia Sam Hena tir tute chungah lawmthu an sawi a ni. Sum tuak nan hian Apron an siam tawh a, an siam leh mek bawk. Tunlai hian Name Plate neilote tan an siam mek bawk. Dt.8.5.2009 zan khan Committe neih a ni a, an hmalakna tur hrang hrangte rel a ni.

-------------------------------------------------------------------------------------------------

HnatlangNimin zing khan Member te Thlanmual ramah hnatlang neih a ni a, Member thawk chhuak an \ha hle. Thlanmual hi thlanglam zel nawk kan nih tawh avangin kalna a nawm zawk theih nan Step remin lungte phah tur a ni.

-------------------------------------------------------------------------------------------------

Community HallKahrawt Vengin Community Hall kan la neih loh avangin Kahrawt Field chhak lampangah Hall hi sak a nih theih nan hma la turin V/C, YMA, MHIP, Welfare hruaitu kalkhawm chuan Committee an din fel a, chunga hma latu tur an ruat tharte chu:Chairman : Pu HmingthanzamaSr. Vice Chairman : Pu Zairemchhunga HnamteVice Chairman : Pu Thanghuliana Pu K. VanlalzuataSecretary : Pu R. LaldikaAsst. Secretary : Pu Zoherliana HauchhumTreasurer : Pu huamliana PudaiteFin.Secretary : Pu F. Lalrinnunga

-------------------------------------------------------------------------------------------------

Ruihhlo Ramin hma a sawn a, vengin hma a sawnin a changkang chak em em a. Chutih laiin kan khawtlang nunah hian sualna chi hrang hrang a pung ve zel bawk a. Kan ram, kan khawtlang hian chhiatna hrang hrang a hmachhawn mek zel a, engtin nge kan inven anga, engtiangin nge hma kan lak ang tih kan ngaihtuah a \ha hle awm e. Nu leh pate hian kan fate nungchang kan hriatchian a hun takzet ta. In lamah naupang chhia anga an awm lai hian pawn lamah chuan an hawiher a danglam \hin tih kan hriat a \ha hle. Vengdanga kan \hian pakhat chuan hmanni Sikul naupang Chhangphut field-a sport an neihah khan hmeichhe zu rui an tam zia thu sawiin chung zingah chuan Kahrawt veng an tam ber a ti nia!! Tak tak a nih chuan a zahthlak hle ang. Kahrawt tlangvalte pawh Drugs ti thar an tam hle tih pawh a sawi bawk. Chuvangin, veng timualpho tu ni lovin ti hming\ha tu nih hi kan tum a hun ta. Ruihhlo hi khawtlang hmelma, chhungkaw tlakranna thlentu a ni a. Ram leh hnam tlukchhiatna a ni a, ruihhlo ti \hinte hian ngaihtuahna fim tak hmanga kan in ngaihtuah chian a hun ta. Ruihhlo kan tih hian kan nun hian a hlim phah em? Kan ruih lai chuan kan hlim phah mahna!! Mahse, a reilo teh a sin. Hlim nia kan in ngaih lai hian kan chungah meiling kan chhek khawl zawk a ni mai long maw.

-------------------------------------------------------------------------------------------------

Hna thawkKan V/C te chuan tunah hian Kahrawt Presbyterian Biak In bul leh Milukawr ah te hna an thawk mek a. Biak In bul hi an zo thawkhat tawh a ni.

------------------------------------------------------------------------------------------------

Lawmthu SawinaKa nutei (F. Lalromawii) Damlohna avanga Champhai District Hospital a enkawl mek chu thisen pek ngai min pek sak tu Tv K. Lalnunkima, Vanapa Section, Tv Lalthanpuia, Vanapa Section, Pu F. Laldingliana, Vanapa Section, Tv Vanlalhriatpuia, Khuangchera Section, Tv H. Lalnunpuia, Chawngbawla Section te leh a \ul anga min buaipuitu Kahrawt Branch YMA te chungah lawmthu kan sawi mawlh mawlh a ni.
C. Lalbiakchuanga leh a chhungteTaitesena Section

-------------------------------------------------------------------------------------------------

MP Inthlan ResultNimin khan MP inthlana vote chhiar chu zawhfel a ni a. A hnuaiah an vote hmuh dan hetiang hi a ni.Lengteng A/C :Lalawmpuia Chhangte - 59CL.Ruala - 3517Dr.H.Lallungmuana - 1352Rualpawla - 73Tuichang A/C :Lalawmpuia Chhangte - 49CL.Ruala - 4940Dr.H.Lallungmuana - 1900Rualpawla - 55Champhai ‘N’ A/C:Lalawmpuia Chhangte - 60CL.Ruala - 6642Dr.H.Lallungmuana - 2066Rualpawla - 66Champhai ‘S’A/C :Lalawmpuia Chhangte - 71CL.Ruala - 5616Dr.H.Lallungmuana - 1963Rualpawla - 64‘E’ Tuipui A/C :Lalawmpuia Chhangte - 97CL.Ruala - 5074Dr.H.Lallungmuana - 1826Rualpawla - 71

-------------------------------------------------------------------------------------------------

## YMA Members Meeting a Pastor hmel te meuh lo lang khan Pathian nung rawngbawltute zeril ropui zia min hmuh tir chiang hlein ka hria. - 9612322353

## YMA Members Meeting a YMA chu hausak san theih loh, milen san theih loh an lo tih \hin tidiktu mihausa te, Officer leh sakhaw rawngbawltute hmel khan min va ti thlamuang tak em. - LRKA

## Mitthi an awm changa Information Centre a\anga kan au hian ‘kan in hriattir e’ tih mai hi a tawk viau in ka hria, Mizo pangngai chuan ‘an in lam i pankhawm nghal ang u’ tih kher hi kan ngai awm love. - 9436383368

-------------------------------------------------------------------------------------------------

** Kimi : Hallo..Pa a, in in hnek khan kun lutuk tawh suh, Sahuai ni do i ang em mai, a zahthlak lutuk... Thanga (T. Sec Leader) : Duhleh ka kun ang, ka kun tulh tulh ang.(An nupa phone-a an inbe lai a nia)

** T...i, YMA ai chuan ka ngai pawimawh zawk che a niang, Committee ka rawn tlan bo phah zak, \hiante tel lo pawn ka che ngam ve tawh a, \hianten pa minti ve tawh rap mai. - Andrew-a (K. Sec)

-------------------------------------------------------------------------------------------------

Roreltute hi Pathian ruat ani tih pawm thei turin keimahni lam theuh lo in enfiah ang u

Champhai Kahrawt Branch Y.M.A. Chanchinbu * Volume XVIII * Issue No 19 * Date. 10. 5. 2009

Khawtlang Nun Siamthat

(Economics and Politics)

Mi hringte hi a huhova khawsa leh in ngheng tawna chengza kan ni a. Chuvangin kan dam khawchhuah nan rorelna tha leh inrelbawlna mumal tak kan neih hi a tul hle a ni.1. Political party President te leh Office Bearers te term bituk a \ul : Hun a lo i her danglam angin, ngaihdan thar a lo piang a, duhdan thar leh nunphung te pawh a lo danglam \hin. Chuvangin, ram hmasawn tur chuan hruaitu inthlak emaw, kalphung thlak emaw angai \hin a ni. Kohhran leh tlawmngai pawlte pawh hian term neia hruaitu inthlak hi kalphungah nei \hin ta ila, hetianga inkaihhruaina hian pawl a tinung a, a ti tipumkhat a, pawlchhuak a ti tlem nge nge \hin.2. Political party tam lutuk kan zo lo : Political party kan tam lutuk chuan, veng tina unit President \heuh te pawh hlui khat kil tawk kan ni thuai mai zel a. halai wing, Upa wing leh Women Front te nen phei chuan kan \hahnem mah mah ta niin a lang. Central sawrkar a party awm apiang lo indin ve thuai thuai pawh a \ul lemin a langlo a, khawvel ram changkang super power nei ram China, America, Britain leh Russia te pawh hian Political party an nei tlem khawp mai.3. In lawmluh sek hi a la zahthlak ang : Inthlan dawn apianga boruak siam nana inlawmluh vak vak te hi boruakah bawk a thamral leh \hin e an ti a. State dangah te hian ching ve tak maw? Party awmna chhuahsan tawh hnua la pet zui zek \hinte phei hi chu sim thuai a \ha khawp mai. Miten ‘An va tilawmawm tehsek ve’ tia an nuihzat \an tawh avang hian inlawmluh sek hi a la zahthlak ang.4. A thlawna sem, dawn leh Political status pe tura thu intiam loh : Mite retheihna leh harsatna denchhena sum leh pai, therhlo leklamna hian inthlan a ti hautak a. Candidate tinte phurrit anih bakah, rinawm lohna bultanna a ni thei. Pawl leh chibing laka political status pek intiamte phei chu tihloh tawp tur a ni. Hei hi a man a sang a, ba inthin nan thisen chhuak khawpa innawr leh nunna hial pawhin a tawrh phah thei a ni. Thatchhiat hmahruaitu, eirukna min thlentu anih avangin kan in veng fimkhur reng tur a ni. 5. Labour Exchange : Hnathawh tur zawng mi tamtak kan awm laiin hnathawktu mamawh hi engemawzat an awm bawk a. Heng mi in mamawh tawnte hi an inhriat loh avangin hun leh pawisa nasa tak kan khawhral thin. Chuvangin, private te pawhin kan tangkaipui tur Labour Exchange hi siam vat a tul a ni. Mizo nula leh tlangvalte hi a pawngapuiin an thatchhe ngawt lo tih kan hriat a tul.

-------------------------------------------------------------------------------------------------

CYMA SportCentral YMA in Branch hrang hrangte tana a buatsaih Inter Branch YMA Sport ah kan Branch a\anga tel Tv.Laldinzuala S/o Lalneihthanga (T.Sec) leh Tv. PC.Vanlalfela S/o PC.Zamawia (L) (T.Sec) te chu 3000 meter race ah pakhatna leh pahnihna (Gold leh Silver) medal an la a, hetiang ang mi chhuanawm, kan veng ti hming\hatu kan nei hi a lawmawmin kan chhuang hle a ni.

-------------------------------------------------------------------------------------------------

Hnuhnungber turDt. 14.5.2009(Ninga) zan hian YMA Members Meeting kan neih tawh a kal lo zawng zawngte tan vawikhat hun siam sak leh a ni a. Meeting hmasa hming lamna a awm lo zawng zawngte kal vek tur a hriattir kan ni. YMA Life Member leh Annual Member ala kal lote kal vek tur a ni a, remchan lohna avanga phatna siamte, hming lam huna awm lote chu he hunah hian kal vek tur ani a. Heihi koh hnuhnung ber tur a ni tawh a, hemi huna kal lote chu an chungchang Branch Executive Committee in a ngaihtuah tawh dawn a ni.

-------------------------------------------------------------------------------------------------

Zo fel leh taBranch Executive Committee in kumin chhunga tihhlawhtlin tur Project pali a siam zinga pakhat YMA Information siam that tih chu tunah hian a hruite thlak tharin a Horn pahnih vuah belh a niin zawh fel a ni ta a, Rs 6000/- zet sen a ni a. Hall Electric Wiring siam that nise tih pawh Rs 10000/- zet senga siam zawh alo ni tawh bawk a ni. Tunah Project pakhat Hall zauh nise tih chu hmalak chhoh mek a ni.

-------------------------------------------------------------------------------------------------

Kan changkang em? Mizote hi changkan duh tak kan ni a, kan changkan duh luatah kan Mizo nunzia leh kan Kristianna kan thlauhthla nasa hle niin a lang. Ramdang mite inchei dan thalo tak tak, an nun zalen dan te kan entawn nasa ta lutuk hi kan nun hian a chhiat phah ta ani mai lo maw. Mi changkang apiangin mahni hnam ze milin an in chei thin. Kan nula leh tlangvalte inchei dan han en hian an thawhchhuah nge tam a, an nu leh pate, mahni thawh chhuah phu lova incheite hi eng angin nge kan ngaih tak le? A bikin nula leh tlangval, thalai zawkte kan inenfiah a tul hle. Engang pawhin lo incheiin nalh in ti viau mahila, midang mithmuh ah chuan sarep sil ang chauh kan ni mai long maw? Kan mithmul dumna te, kan hmai hnawih manto zia te hi. A thawkchhuakte tih dan entawnin thawkchhuak velo ten tih kan tum zel erawh hi chu a tha lem lo. Ziaktu thenkhat ten an sawi uar em em, a tellova awm thei lova kan ngaih mobile phone hi. Changkang tak tak; manto tak tak, duhtawka hla ngaihthlak tur kan hmang a, bengngawngin bengdar an vuah emaw tihtur khawpin khawlaiah kan ngaithla a. Changkang ta riauva kan in hriat lai hian hnung lam atangin min nuih tet tel mai long maw? A pawimawh pakhat chu, eng ang pawhin lo incheiin lo in tichangkang pawh ni ila, Mizo kan nihna a bo chuanglo. Chuvangin Mizorama kan awm chhung chu tribal kephah hlai, in tichangkang, changkang tak taklo, in chei, mawipui tak tak silo kan ni. Hmel hmai hi a pawimawh a sin aw.

-------------------------------------------------------------------------------------------------

Lawmthu SawinaKan fanu Malsawmtluangi W/o Lalnuntluanga Fanai thisen pek ngaia awm chu tlawmngaih chhuah a, ui hauh lova an thisen hlutak min petu te; Ralthansanga (T.Sec), Lalbiakzuala (K.Sec), Lalhmangaihi (Mapuii) PHE vengHmingthanpuii Rahsi veng te chungah thinlung takin lawmthu kan sawi a ni.Tin, thisen pek ngaiin kan awm tih hria a, Kahrawt veng \halai rualte thisen pe tura in hmel kan hmuh in kan thla in timuang takzet a, in chungah lawmthu kan sawi takmeuh meuh a ni. Chanchinbu a kan lawmthu sawina hi in chung theuh a lawmthu kan sawina a min ngaihsak turin kan ngen a che u.
Rohmingthangi leh a chhungteKhuangchera Section

-------------------------------------------------------------------------------------------------

Welfare CommitteeZirtawp zan khan Kahrawt Welfare Committee neih a ni a. Hetah hian Rohmingthanga Children Recreation Centre chei chhun zawm dan tur rel a niin a hma la tu tur an in ruat thar a, Kahrawt ah Hall tha tak neih a nih theih nan hmalak nise tih chu V/C te hnenah hmala tu tur din tur a ngenna siam nise an ti.

-------------------------------------------------------------------------------------------------

Training dawnDt.13.5.2009 hian Lengteng leh Murlen National Park bul hnaia awm khuate tan Wildlife Protection chungchangah Training Sub-Hqrs YMA leh Wildlife Division te tang dun chuan YMA Sub-Hqrs Office Champhaiah an buatsaih dawn a. Hemi hunah hian thlan bik khua a YMA aiawh mi pathum leh V/C aiawh mi pahnih theuhte an ko khawm a ni.

-------------------------------------------------------------------------------------------------

## Kan KTP hruaitu te hian Zaithiam Rosy-i hi rawngbawl tur hian chah chhuak thei se ka duh hle mai. - 9862430326

## Faina chungchangah hian Sanitation Officer in V/C te hnenah Sanitation Committe din tura a tih leh chak taka hma la tura a ngenna ang hian kan V/C te hian hma chak takin la se, YMA in hnatlanga an thawh ai chuan a sawt zawk lawng maw ? - Sanga pa

## Kan Retailer te hian tunai hian Mipui rawngbawltu an nih hi hre chiang deuh se, thenkhat biak an nawma mi an ngaihsak viau lai hian then khat biak hrehawm deuh an awm tlat hi mipui rawng bawltu an nih an hre lo em ni le. - Lala

-------------------------------------------------------------------------------------------------

** Nu-i, min zin san tawh suh, naute nge \ap kei, sumtual a ngui ka hawi ngamlo an hriat ka hlau si. Fartlang ka thlir, ka tawnglo ka bawihte... - Chhuana (Trea)

** UPC lamah hian ka let leh mai thei. Ka lam tui ve tlat... - Pa Ri-a (Ch. Sec)

** Senior zawk Junior zawka kan tan phah tak chu le. - Chhandami W/o Dika

-------------------------------------------------------------------------------------------------

Central YMA Sport-a kan Branch atanga kal Laldinzuala leh PC.Vanlalfela te kan chhuang takzet che u a ni

-------------------------------------------------------------------------------------------------

Blog :www.kahrawtians.blogspot. com

Champhai Kahrawt Branch Y.M.A. Chanchinbu * Volume XVIII * Issue No 16 * Date. 19. 4. 2009

Corruption Do

-HK. Lalkunga. Vengsang

Kum 2005 MUP Gen. Assembly chuan Corruption do tih hi kumpuan atan alo rel tawh a. Hemi bawhzui tur hian Sub-Hqrs, Area, Unit tinah te Kohhran leh Chanchinbu thleng pawhin a tam thei ang bera puangzara tarlang tura tih kan ni a. Corruption hi kan tawng a nilo chungin keimahni tawng ang maia kan hman leh hriat a ni a. Sawifiahna awlsam dan ber chu Hlemhletna, eirukna tih leh thiltih chingpente ti ila a fiah mai awm e.
Kan ram Kristian ram ti a kan chhuan em em chu Corruption avangin kan buai zo ta a nih hi. Sawrkar sum a hman na tur hmuna hman a nih loh thin avangin mirethei kan rehei tual tual a, a then an lian tual tual a, mirethei leh hausa kar a hlain a zau tual tual a. Lal Isua kan rinna leh kan thlarau nun leh Kohhran thleng pawhin min eichhe mek zawng a nih hi. Bible pawhin kut tling lova hausa chu Varung mahni tuilo awmkeu ang mai a ni a, a vanglai takin a hausakna chuan a kalsan anga, a at zia ala lang mai ang a ti a. Hetiang hi kan Pathian thu chuan min zirtir dan a nisi a. Chuvangin Corruption chu engtinnge kan do ang a, Kohhran ho hian tan kan lak ang.
Milian leh mite angkhat renga awm tur kan nih laiin milian leh hausate kan in tlawn siak a, upa in thlengtlawrzuan an tih ang mai hian mihausa leh sum ngahte kan endan hi a dik tawk lo fo thin a. Enge a hausakna, mi an sum lak luh phu lovin intha, bungrawtha leh man tam changkang tak takte nei mahse, an hlawh phu lova khawsa an nih a, an sum lak luh dan aia nuam leh khawsa sangte hi kan tlawn mai tur a ni lova kan endawng ngam tur a ni.
Sorkarah khawtlang hmasawnna sum alo kala, kawng hrang hranga hmalakna turin lo neih, huan siamna, hriselna, khawtlang tan, chhungkaw tan, mimal tana heng sum lo kalte hi Department hrang hrangin a hmannna turah dik taka hman a nih a, a tul anga kalpui tur a nih laiin a tam zawk chu a hmanna tura hmang lovin a riral ta thin niin a lang.
Zawhna han in zawt ila engtinnge mi a eiru tih kan hriat theih ang. An sum lak luh leh an hlawh phu lova Babel in sang sate, bungraw man tam pui pui leh Motor engemaw zat neite hi kan chhut thiam a ngai. Chvangin ngun taka kan zir chuan he Zoram sualna lo hluar chho zel hi a zung kaihna bulpui ber chu Corruption hi a ni tih loh rual a ni lo. Ngun taka kan zir chuan Ruihhlo leh sualna dang lo punlun nate hi Corruption tih loh rual ani lo. Ruihhlo haw viau leh do taima takte hian Corruption do kawngah chuan kan tha a thum tlat thin. Hmeithai leh chhumchhia te hrem kan phur viau laiin Corruption avanga hausa leh awm theite kan ngaisang a, kan in ntlawn siak leh si hi chu kan tih tur a ni lovang. Chuvangin ringtute hian kan sum hman dan te hi Pathian duh zawng a ni angem tih hi ngun takin i in bih chiang ang u.

--------------------------------------------------------------------------------------------------

Property
1. Bungrua hawh tur chuan Property incharge te hnenah dilna ah theh lut hmasa anga, Chawkidar hriatpuina a lak chhuah chauh tur a ni bawk ang.

2. Bungraw hawh dahkir tur reng rengin Chawkidar awm lai ngeia dah luh tur a ni a, an awm loh laia dah luh a nih dawn chuan Property enkawl tute zinga pakhat tal in a enpui hnuah chauh dah luh tur a ni.

3. Bungrua reng reng a hawhtu/hmangtu ten an tibo/tichhia a nih chuan a tharin an thlak ngei tur a ni.

4. Veng chhunga Chhiatni bikah YMA hun chhung hawh theih a ni a, hawh zui ngai an neih chuan an hawh tur leh a zat fel taka ziakin bungraw enkawltute an hriattir tur a ni.( Tul bik thilah laksawn ngai a awm chuan lak sawn theih a ni ang.)

5. Lungphun, Innneih, Lawmthu sawi leh khawtlang huapah Nikhat leh Zankhat hawh man a awm lo anga, hemi hunchhung bak an hawh zui chuan hawh man pangngai in a kal thung ang.

6. Pawl/Mimal tan hawh man siam ang hian an hawh theih a ni. Nikhat leh zankhat bak hawh a nih chuan hawh man rate pangngai anga chhut chhoh zel tur a ni ang.

7. YMA Hall hi Vengchhung NGO te tan a thlawna hman theih a ni ang. An hmang dawn a nih pawhin hruaitute an hrilh hre hmasa thin tur a ni ang..

--------------------------------------------------------------------------------------------------

HSSLC Pass
1. Sadam Remruatfela (Sc) III
S/o Sanglianngura K. Sec

-------------------------------------------------------------------------------------------------

Khawtlang nun siam that
YMA General Conference chuan kumpuan neih loh nise tiin a rel a. Amaherawhchu, kan khawtlang nun a chhiat zel loh nan leh a chhe zel tur venna atan Khawtlang nun siam thatah a bika hma la turin CCC chuan a rel leh ta a ni a, hei hi chak taka kal pui a bawh zui hi thil tul tak niin a lang.
Khawtlang nun siamthat hian kan kumpuan tawh chi hrang hrang Ruihhlo do, Intodelh leh Ram leh hnam humhalh te kha a keng tel vek a. Tin, Khawtlang nun siamthat pawh hi Kumpuanah pawh kan nei tawh nghe nghe a ni. Henga Kumpuana kan neih tawh hi thlauh thla bik lovin a bika hmalakna tham vek a ni a. Hma hi nasa taka lak pawh a tul a ni.
Hetiang taka khawtlang nun siam that hi thil pawimawh a nih avangin kan hma zawn theuh ah chak takin hma lak a ngai a ni tih hriain kumpuan ang hiala hma lak hi kan tih tur a ni a. Ruihhlo lo lar thar leh ta te pawh hi kan khawtlang nun siamthat nana kan hmalakna hi a tih thuanawp avang hian heti lamah hian hma kan lak leh zual hi a tul hle niin a lang.

-------------------------------------------------------------------------------------------------

Siam zo
Thlanmuala Tuiluankawr kawng sira dah tura hnatlanga kan thawh chu VC ten lung remin thataka siam zawh a ni ta a. Kahrawt VC te chungah Branch chuan lawmthu a sawi a ni.

-------------------------------------------------------------------------------------------------

Social Audit
NREGS hnuaia in hlawhna ah Dt.20.4.2009 (Thawhtan) zing Dar 6:30 hian Social Audit Kahrawt YMA Hall ah neih tur a ni a. Hetah hian Chhungkaw aiawh Job Card a hming chuang ngeite chu kim taka kal vek tur a ni.

-------------------------------------------------------------------------------------------------

Zirlai Exam
Zirlai First Term Exam a hun leh ta a, thenkhatin an Exam mek bawk a. A tam zawk chuan Thawhtan lam hian an tan tawh dawn a ni a. Hemi a nih avang hian Zirlai rilru la buai thei zawnga bengchheng siam lo turin kan in ngen a ni.

-------------------------------------------------------------------------------------------------

Lawmawm
Nl C. Lalchhandami chuan mi nazawngin an theih loh chu kan mamawh anga min thawh sak avangin a chungah Branch chuan lawmthu a sawi tak meuh meuh a ni.

-------------------------------------------------------------------------------------------------

Pem
Pu K. Lalthangzauva te chhungkua Member Pali chu Vengsang atangin lo pemin Vanapa Section ah an awm mek a. Tin, Pi Kapzingi te chhungkua Member pali chu Saitual chawnpui veng atangin an rawn pemin Chawngbawla Section ah an awm mek a, an hnen atang hian pem lehkha fel tak dawn a ni.

-------------------------------------------------------------------------------------------------

Kaisang
Kan vengpa Pu TBC Rozara S/o Pu B. Sangkhuma chu Taxation Department ah Chief Commissioner ah kaisangin Kolkata ah a awm a, tunah hian a hna a zawm fel tawh a ni. A hnuaiah hian Commissioner panga paruk vel an awm dawn a ni. A ni hi Mizo zinga Chief Commissioner nithei pahnihna a ni.

-------------------------------------------------------------------------------------------------

Meeting dawn
Kahrawt Branch YMA Executive Committee chu Dt. 23.4.2009 hian neih tur a ni a, hetah hian Thlanmuala thlan lung hawi zawng chungchang leh Members Meeting neih tur chungchang ngaih tuah tur a ni a. Agenda neiturte chuan Secretary hnenah theh luh theih a ni.

-------------------------------------------------------------------------------------------------

## Kan tlawmngaihna kan lanchhuah tirna hun pawimawh ber pakhat lumen zana ei leh in kan in hlui dan hi a hun chhung a rei loh teh lul nen in siam that deuh theih dan a awm lawng maw.
- 9612521892

## Hun engemaw chen atang khan Pu Selthanga Bawng In ah mi thahnem ngaite hmalakna avangin Tawngtai Camp an nei a ni a. Hetah hian kan veng chhung atangin sawm chuang zet ruihtheih thilin a tih buai thinte, Pathian chhanchhuahna beiseia awm mek te hi Kohhran leh NGO bakah khawtlang angte a kan ngaih vena, tisa a an mawmawh hrang hrang an ei leh in turah a pe thei ten pek leh thlarau damna an lo chan ngei theihna tura tawngtai pui hi kan zavaia mawh phurhna a ni dawn lawm ni. - Masaia pa

-------------------------------------------------------------------------------------------------

## Chhuana ka Motor lei ve hi chu ‘Tartiang’ mai mai atana ka lei a nih ve mai mai hi. - Rinpuia (T. Sec)

## PWD kawngpui siam tharah tuman Ar chhuah loh tur an thai darh ang.

-------------------------------------------------------------------------------------------------

Editorial Board
Editor : K.L.Lalthangliana
Jt. Ed. : Zoherliana Hauchhum
News Ed : R.Malsawmdawngliana
Cir. Managers
Zarzoliana Fanai,
Romalsawma,
KVL.Hmangaihzuala
B. Lalngaizuala

-------------------------------------------------------------------------------------------------

RANCH O.B. 2009
President : R.Laldika
Vice President : Thanghuliana
Secretary : R. Malsawmdawngliana
Asst. Secretary : Zoherliana Hauchhum
Treasurer. : F.Lalhmachhuana
Fin.Secretary : C. Chawngthansanga

-------------------------------------------------------------------------------------------------

Thil thalo a ni tih kan hriat reng kan bansan theih miah si loh na hi mihring zia chu a ni!

Champhai Kahrawt Branch Y.M.A. Chanchinbu * Volume XVIII * Issue No 15 * Date. 12. 4. 2009

Ar hi sava a ni em ?

- Ruatpuia pa

Ar hi sava a ni em ? Tih zawhna hi Pu Vidtea (BC Academy) in a hun remchang ah min la rawn chhan sak theih chuan a lawmawm ngawt ang.
Kum 1990 kha a ni ta awm e. Zirtirtu ho Training Exam na pakhat atan Sikul pakhatah Practical Class kan nei thin a. Chuta zirlai ho te chu Naupang te te, kum 10-13 bawr vel vek an ni a. Vawikhat chu Zoram a nungchate chungchang ka sawi pui a. Mipanaupang pakhat leh hmeichhe naupang pakhat hi sava te zinga mawi an tih ber ka zawt a. Mipa naupang chuan, ‘Chawngzawng’ tiin min chhang a. Hmeichhe naupang zawk chuan ‘Choak’ tiin min chhang a. ‘Tunge sawi duh la nei? dingin han sawi teh u’ ka ti leh a. Mipa naupang hmel fel tak hi lo ding chhuakin, ‘Sir... ‘Ar’ a rawn ti a, kan nui ta dar dar a.
Khang naupangte min chhanna khan ngaihtuahna a ti thui thei khawp mai. Min chhang uang ani ang tih mai tur a ni a. Mahse an uang lo!! Aizawl khawpui chhunga Sava an hmuh phak tawk kha mawi an tih thu an sawi a, an hmuh phak tawk a tlem em a, chhanna dik tak min pe tlat a ni.
Tunah hian kan Champhai khawpui chhungah ngei pawh eng sava te nge kan la hmuh thin ? Sava chi hrang vak hmuh tur an vang ta hle mai. Choak tak ngial pawh kan hmu phak ta meuh lo. Chuvangin a awm chhun ang ang Chawngzawng, Vamur/Pengleng leh a dangte hi Air Gun leh Sairawkherh hmang te hian kapin, perh lo ila, Naupangte pawh ti lo turin zirtir ila. Puitling tan ngat phei chuan zahthlak tawp, zahmawh sawi tluka in ngaih tur a ni. Kan rama nungcha leh an chenna ram ngawte humhalh hi kan zavaia mawh phurhna a ni si a.

-------------------------------------------------------------------------------------------------

Hnatlang nei

Thlanmual rama Kawngpui phei chu VC hmasa ten min laih zauh sak in Tuiluan kawr hi kawnglaiah a awm phah ta a. Hei hi tuna kan VC ten min siam that sak dawn ta a. Tui kawng lai tha hian Ninga ni zing khan Branch hnatlang neih a ni a, Member 53 thawh chhuah a ni. Nimin zing khan hnatlang hi thawh chhun zawm leh a ni a, Member 31 an thawk chhuak leh a ni. Hnatlanga thawk chhuakte chungah Branch chuan lawmthu a sawi a ni.

-------------------------------------------------------------------------------------------------

Fakawm

Pu V. Kapthanga Vanapa Section chuan kum 20 chhung vel a ram anga alo enkawl tawh LPG Office kiang ami chu khawtlang tan phal takin a pe let leh a, hetiang mi inphal kan venga an awm hi a fakawmin a ropui hle a ni.

-------------------------------------------------------------------------------------------------

Theh lut rawh

YMA Sport neih a Sporting Club Kekawr bul hawh tu zinga mi pakhat la theh lut lo khan a rang thei ang berin Pu K. Lalhluna hnenah theh lut tura hriattir i ni.

-------------------------------------------------------------------------------------------------

HSSLC Pass thar

Kan hriat theih china HSSLC Pass thar te chu :
1. B. Lalrinfela I
S/o B. Thangchhuaka (L) K. Sec
(Computer Hardware Maintenance)

2. B. Lalhlimpuia I
S/o B. Remmawia K. Sec
(Auto Mobile Engineering)

3. K. Lalrotluanga I
S/o K. Khuangzika T. Sec
(Auto Mobile Engineering)

4. Andy Lalfakzuala Dist
S/o Lalthanzama V. Sec
(Auto Mobile Engineering)

5. C. Vanlalruata I
S/o C. Remkima T. Sec
(Auto Mobile Engineering)

6. Francis Lalnunpuia I
C/o C. Laldanga K. Sec
(Auto Mobile Engineering)

7. TBC. Lalthanmawia I
S/o B. Kailiana T. Sec
(Auto Mobile Engineering)

8. Lalzarzovi III (Arts)
C/o Lalngaisanga Varte Ch. Sec

9. Malsawmkima I (Arts)
C/o C. Vulthanga T. Sec

10. MZ. Ramthlengliana III (Sc)
C/o H. Rotanga Ch. Sec

11.Benjamin Lalmuanawma I (Sc)
S/o Dr HT Phosa V. Sec

12 B. Lalhlimpuia II (Sc)
S/o B. Thangchhuaka (L) K. Sec

B. Lalrinfela hi Computer Hardware Maintenance-ah Mizoram pumah pakhatna a ni a, Computer Hardwire a pass leh Auto Mobile Engineering a pass te hi BC English Academy a kal vek an ni a. BC School hi Mizoram ah Auto Mobile Engineering leh Computer Hardware Maintenance ah a ti tha ber an ni a, kan lawmpui hle.

-------------------------------------------------------------------------------------------------

Zirna

Kan hriat tlan theuh angin HSLC leh HSSLC Exam Result a chhuak ta a, kan veng atang pawhin Pass engemaw zat kan nei a, alawm awm hle. Chutih rualin kan result en hian kan veng atangin pass kan tlem lu deuh lo maw tih tur a ni.
YMA in kumpuanah vawi engemaw zat zirna uar kum a puang tawhin hma pawh nasa taka lak a niin kan veng pawh hian kan chhawr thin hle a. Tuna kan veng zirlai result en hian kan tha tawk lo hi enge a chhan ni ang. Nu leh pa mawh phurhna nge, YMA hruaitute nge, Kohhran lam zawk. Kan in ngaih tuah chian a ngai hle a ni. Kohhran leh YMA hian Activities kan ngah lutuk hian zirna hun tha kan siamsak tam thei lo nge ? Zirlaite hian an zir tha peih lo zawk? Zirna ah hma kan sawn theih nan kan zavaia in bihchian a tul hle niin a lang.

-------------------------------------------------------------------------------------------------

Branch aiawh dawn

Central YMA buatsaih Inter Branch YMA Sport May thla a Aizawla neih turah kan Branch aiawh in Marathon Race ah Tv. Laldinzuala S/o Lalneihthanga leh Tv. Lalrinfela S/o PC. Zamawia (L) Taitesena Section ve ve te chu an tel dawn a ni.

-------------------------------------------------------------------------------------------------

Damlo

Pu B. Lalnunmawia chu inlamah enkawl mek a ni a, Pu F. Chawngzinga chu Damdawiin lama zai a nihhnuin inlamah enkawl mek a ni. Pu Hmingdailova pawh Aizawl lama enkawl chhunzawm mek a ni a, Pi Laiziki chu damlohna avangin Pi Nubuangi in lamah enkawl mek a ni. Pi Thangzuali pawh Accident avangin in lamah enkawl chhoh mek a ni. Damlo te an that chhuah leh thuai kan duhsak e.

-------------------------------------------------------------------------------------------------

Lawmthu sawina

Ka nupui Tlangduhnimi’n Dta min boral san chungchangah YMA te, Nu leh pa leh thenawm khawveng min lainat tu zawng zawng te chungah lawmthu kan sawi a. Min lainata min khawngaihna leh tun thlenga kan khawhar hlaua min lenpui tute zawng zawng chungah lawmthu kan sawi a ni. Lalpa’n a let tam takin vur che u rawh se tih hi kan tawng taina a ni e.

In khawngaihna dawngtu

Lalrawna Chawngthu
leh a tu leh fate

-------------------------------------------------------------------------------------------------

Khap tlat a ni

YMA te hian Ramngaw leh Nungcha humhalh chungchangah hma ala renga. Kan hmalakna zah lova khawchhunga Chawngzawng veh a kah ching kan awm tih hriat ani a, tumah titawh lo turin kan in ngen a ni. Tin, Thlai chi thlak hun a ni chho leh ta a, chuvangin Ui leh Ar tumah pawnah chhuah lo turin kan in ngen nghal bawk a ni.

-------------------------------------------------------------------------------------------------

Chawngbawla Section

Ni 7.4.2009 zan khan Committee an nei a, an Section Leader Pu Lalramzauva Hrahsel chu hmun danga a awm avangin an in siam rema. Asst. Leader nilai Pu F. Vanlalchhuanga chu Leader ah dahin Asst. Leader atan Pu C. Lalhmangaihzuala chu ruat thar nghal a ni.

-------------------------------------------------------------------------------------------------

Kahrawt Welfare hruaitu

Kahrawt Welfare Committee 2009-2010 chhung hruaitu thlanna Dt 7.4.2009 zan khan Branch OB te kaihhruaina in an nei a, an thlan chhuahte chu:
Chairman : Pu K. Vanlalzuata
V.Chairman : Pu K. Lalhmachhuana
Secretary : Pu F. Lalrinnunga
Asst. Secy : Pu R. Lalzamliana
Treasurer : Pu H. Lalzawmliana
Fin.Secy : Pu Lalchhuanawma Fanai

-------------------------------------------------------------------------------------------------

## YMA leh Kohhrante kan thawk ho tha viau a. A lawmawm hle. Amaherawhchu, YMA leh Kohhrana a in hmang tawn te hian Activities ah lan kim vek zel a theih lohva, engemaw zawk chu thulh zawk an neih chang a awm thin. Hetianga a nih a, Kohhran lama an mawh an tih theih loh a, YMA lama kal an awm changa I thlarau nun kha ngaih tuah zawk rawh tih ching an awm leh thin hi chu sim ni thei se.A duhawm hle. YMA hi khawvel thil ta riau hian kan hria em ni le ? - 9612520911

-------------------------------------------------------------------------------------------------

## Lalkima Zote hi kei aia ang an awm chuanglo.
- Maruata (RV Tailoring)

## Vengthlang lam ah hian lenvah vel hi a nuam ber mai. Pa mah ni ila, khawvel a ti parmawi leh thin. - Sangpuia (T. Sec)

------------------------------------------------------------------------------------------------

Champhai Kahrawt Branch Y.M.A. Chanchinbu * Volume XVIII * Issue No 14 * Date. 5. 4. 2009

KHAWTLANG NUN SIAMTHAT

(Moral & Social Reform)

Huau huau lamah :Tunlai thangtharte hian engtinnge nupui fanau ka chawm anga, in leh lo ka din ang tih lam ngaihtuah ai chuan, huau huau lamah kan tlan a, Mizoram hi a awm ani tih hre ngai reng renglo, Manchester United, Arsenal, Chelsea fans-te chu awr phiar tawng tawngin kan inhnial peih a. TV a inkhel leh film duk dak manglo enin kan hun kan khawhral hnem lutuk a. Chhungte thawhchhuah sa a lei Bike leh Scooty vela he heu mai mai kan tam ta lutuk hian kan Social Life siam tha tura tan a ngaihzia min hriattir thin.
Chhungkua : Khawtlang nun siam tha tur chuan chhungkua a tan hi a pawimawh em em a. Kum 1972 a UT kan nih atanga sawrkar laipui atanga sum leh pai lo lut tam ta thut hian kan khawtlang nunah nghawng thalo tak a nei a. Sum leh paiah kan intlansiak nasat lutuk avangin thuneitute kan intlawn siak a. Dawt bill, Culvert thlawk thei leh vaivut lunga chantir thawm rite a lo awm ta nawk a. Kan fate chu sum leh pai um avangin kan enkawl hman lova, in lamah an duh duhin an lo awm a, sual tinreng an lo ti chho ta a ni. Chuvangin chhungtinte inngaihtuah thar leh a kan in siam that hian kan khawtlang nun pumpui hi siam that a lo ni dawn a ni. Chuvangin, kan khawtlang nun siam tha tur hian kan thalai rual awmkhawm ‘YMA in an ti tlat si a’ an tihte hian kan khawtlang nun siam tha tura theihtawp chhuah hi kan mawhphurhna leh a bata kan bat a ni.

-------------------------------------------------------------------------------------------------

Sub-Hqrs. aiawh

CYMA in Mizoram pum huap infiamna chi hrang hrang a buatsaih turah Sub-Hqrs. YMA Champhai aiawh a kal turin kan Branch atangin Laldinzuala leh Vanlalfela te chu Marathon Race ah thlan an ni.

------------------------------------------------------------------------------------------------

Chanchinbu man

Thla a lo thar leh ta a, chhungtinte chanchinbu man thahnemngai taka pe turin kan in ngen a, agent te pawh a man hi khawna theh lut nghal zel turin kan in ngen a ni.

-------------------------------------------------------------------------------------------------

Theh luh theih

Kahrawtians hi Zirtawp zana chhut thin a ni a, thuchhuah tur nei chuan hemi hma ngei hian theh luh thin tur a ni a. Thahnem ngai taka thu ziak turin leh Ngaihdan hi SMS leh ziak pawhin theh luh theih a ni.

-------------------------------------------------------------------------------------------------

Tanpuina hlan

Pu Selthanga huana Tawngtai Camp nei mekte chu Branch hmingin Buhfai Bag khat leh Nutrela Bag hnih chu hlan an ni.

-------------------------------------------------------------------------------------------------

Siam sak

Pu Rosiama in chu ruah leh thli in a tih chhiat avangin Dt.31.3.2009 khan V/C te leh YMA ten hnatlangin an siam that sak a. A in chung chhia hi CTU chuan rangva Bandle khat leh Riging pathum an tum sak a ni.

-------------------------------------------------------------------------------------------------

Kan lawmpui e

Pi B.Lalhlimpuii H/o Vanlalsiama Sailo (Ch.Sec) leh Nl. Zoherliani (T.Sec) te chuan Departmental exam-ah Assistant ah an tling thar a, hetianga kan vengin mi chhuanawm tak kan nei hi kan lawmpui hle.

-------------------------------------------------------------------------------------------------

Hruaitu hlun

MHIP Sub-Hqrs Conference Hnahlana neih zawh takah khan Pi H.Rohmingliani chuan MHIP hruaina kum 1999-2009 chhung chawl lova hruaitu anih avangin hruaitu hlun chawimawina a dawng.

-------------------------------------------------------------------------------------------------

HSLC Pass

J.Vanlalvena I (Sc)
S/o J.Lalremliana T.Sec

-------------------------------------------------------------------------------------------------

In report tur

Kum 2008 chhunga Kahrawt vengchhunga thlai thar zat sawrkarin hriat a duh avangin Dt.12.4.2009 ral hma ngeiin mahni hnaih ber VC hnenah in report tur a ni a, chungte chu : Sapthei, Grape, Serthlum, Sawhthing, Aieng, Hmarchate, Zikhlum, Feren antam, Alu, Carrot, Rose te a ni.

-------------------------------------------------------------------------------------------------

Card siam theih

Sawrkar kum alo thar leh ta a, PHE tui Point atanga tui dawng duh turte chuan Ni 8.4.2009 (Nilai) hian Kahrawt veng tan bik tui Card PHE Office ah siam thar tir tur a ni a, tui Card hi April atanga September thla thleng atan siam tur a ni ang. Chhungkaw Member 1-5 awmte tan Rs 65/- ani a, Chhungkaw Member 6-10 awmte tan Rs 125/- leh Chhungkaw Member 11 chin chunglam tan Rs 185/- ken tur a ni a. Tui Card keng tur chuan an Card hlui ken tur a ni a, a nei lo chuan mahni Ration Card ken tur a ni ang.

-------------------------------------------------------------------------------------------------

Chhiatni fund

Chhiatni fund tun thlenga la pelo zawng zawng ten April thla ral hma ngeia pe vek tura ngen kan ni a. La pe lo zawng zawng ten ngai pawimawh turin kan in ngen a ni.

-------------------------------------------------------------------------------------------------

Tlawmngaihna

Kahrawt Branch YMA hi Zoram pumah ber kanni tih turin Kum puan hrang hrangah lawm man pakhatna kan la thin a, Zoramah pawh kan hming a lang a nih kha. Khatih hun lai khan kan Branch pawh kan chak hle a, hmalakna hrang hrangah a ber kan ni kan ti thei hial awm e.
Zoram khawvela hming lang thin kha tun hnai mai atang khan kan hming hi a dai tan ta hle a. Thlan laih ah tak ngial pawh mi sawmhnih bawr vel lek te kan ni ta a, hei hi engvang nge ni ta ang. Kan tlawmngaihna hi a dal zo ta em ni le. Hnatlang ah nise mi sawm bawr vel kan kal chuan kal tha kan inti ta viau mai te hi enge a chhan kan in ngaihtuah chian a ngai hle a ni.
Kan tlawmngaihna hi kan ngaih tuah chian a ngai hle a, YMA chetchanna ah hian kan kal tha peih lo a nih pawhin kan Mizo tlawm ngaihna thlan laih leh thil dang dangah tal hi chuan theih tawp chhuah a, kan Mizo tlawmngaihna a bo loh nana hma kan lak hi YMA Member te hian kan tih tur a ni tih kan hriat thar a tha awm e.

-------------------------------------------------------------------------------------------------

Sub-Hqrs YMA

Dt.1.4.2009 khan Inter District a tel tur Qualifying Round a tlingte tana hmalak zui zel dan tur thlirin Sub-Hqrs OB, Sport Sub-Committee OB, Tug of War, Volley Ball, Athletic hruaitute leh Qualifying Round a tling Branch aiawhte YMA Office Tlangrawtah Meeting neih a ni a. Mahni Branch theuh pawisa hi in tum a ngaih dawn avangin a kal thei turte chu kal ngei tha an tih rualin hemi chungchang thlir nawn hian Dt.11.4.2009 (Inrinni) hian Committe neih leh nise an ti.

-------------------------------------------------------------------------------------------------

CYMA Chanchinbu

Vanapa Section huam chhunga Sub-Agent Nl.K.Lalliantluangi leh Nl Lalruatkimi te bial atanga Central YMA Chanchinbu latu te :
JC.Sawinghinglova, Hmangaih- tluanga, lalthankimi, Biaktluangi, HL.Malsawma, Thangseia, K.Pa- chhunga, Lalruatsanga, R.Lalngaih- thangi, Lalbiakmuana, R.Lalhming- thanga, F.Lalrinawma, Lalhluzuala, Lalduhkima, Lalramsanga, Zacham liana, Kapthuama, B.Lallawmkima, C.Lalhmunliana, Thuamliana Pudaite, Chalhmingthanga, S.Za- thansanga, R.Lalrinsanga, Lalduh- awma, B.Sangkhuma, Dr.HT.Phosa, P.Lalhmingliana, Manasia Lalduh- saka, Vanlalzawma, David Thang- luaia, VLMS.Dawngliana, NC.- Langa, R.Laldika, B.Lalramngheta, Biakthanpuia, Rochungnunga, Lalmuankima, Lalchungnunga, Sapchhawna, F.Laldingliana, F.Aithuama, F.Lalremruata, Lalthansiama, H.Lalzawmliana, Avuana, Zosangpuii, Vanlalvena, C.Lalrinngheti, K.Lalrammawia, Biaknghinglova, J.Khawhluna, R.Lalropuii, Dr.C.Vanlalhlua, Easter L.Chinzah, Salthuama

-------------------------------------------------------------------------------------------------

Lawmthu sawina

3rd Inter District Women Hockey Association Tournament a lokal, Aizawl District te Kahrawt veng mipui leh YMA hruaitute chungah kan lawm takzet a. Min lo mikhual dan hi entawn tlak kan ti a, mimal tin leh chhungkaw tin hnenah lawmthu kan sawi seng lova, hei hi kan lawmthu sawina a min ngaihsak turin ka ngen a che u.


Lalruatkimi
Coach
Aizawl District

-------------------------------------------------------------------------------------------------

## Pu Hmingsanga, (T.Sec) puanthuah khai meuhva khawhar ina nupui fanaute kalsan a i riak thin hi ka chhuang takmeuh meuh che a ni. Tv.Rothangliana Dt.26 zinga thlan lai tura i kal hmasaber kha i fakawm in ka chhuang takzet che a ni. - 9862430326

-------------------------------------------------------------------------------------------------

Advertisement

Vengdang pan buai ngai lovin TBC Drug Store, Dawrkaikawnah Damdawi chitin tlawm taka lei tur a awm reng e.
Tin, Bawnghnute duh tan litre 1 Rs.30 zelin Pu Hrangsavunga hnenah lei tur a awm reng bawk e.

-------------------------------------------------------------------------------------------------

## Kan Pastor leh Pu C.Sangthuama’n Siama in sakah min lawm tawh bawk a, Kohhran hnatlangah Zopui, Chhuana, Sawmte kan thawh ve ngei a ngai ang. - Pa Thaua

## Dar 11 thleng vel bak zawng... Tlaimah var ila kan in ning chuang lawng nge Hl. - BCA (V. Sec)

-------------------------------------------------------------------------------------------------

Lawmte kan lawmpui theih lohna lai tak hi mihring ze diktak lo lan chhuahna a ni